ابيه يلعب بخصلاتي وهو ماسك ايديني

الا يا دنيتي شوفي عظيم الحزن سكن فيني
سكن قلبي سكن روحي ونظراتي سكن فيـــها

اخذته وقلت له ياحزن رجاي انك تخلينــي
صرخ فيني وقال لي كيف؟جروحك وين اوديها

رفعت الراس لخالقها وقلت ان الله يعينــي
حبيب ما رأف حالي هدم روحي وامانيــــها

انا ودي اعيش العمر واعيش باقي سنينــي
متهني مثل هالناس بدون اهموم اعانيـــها

ابي خلا اذا الفى كفيل انه ينسيــــــــي
هموم شالها قلبي ولا يطريلي طاريـــــــها

ابي تزهى به ايامي واهديه اجمل سنينـــــي
واحطه نور لحياتي ينورها ويضويــــــــــها

ابي العب مثل طفله واحس انه بيحمينـــــــي
واذا اتعبني الموضوع ادور وين احضانه وارتمي فيها

وابيه يلعب بخصلاتي وهو ماسك ايدينــــــــي
وابيه يطالع عيوني و يقراء مانكتب فيـــــها

ولكن كــــــــــل هذاحلـم بين نفسي وبيني
ومابقيت سوى احزاني تداريني وداريــــــــها